اوغان طالبان یونیورسٹی اسکالرشپ کِن دبئی آ ہنوکا 100 (مسڑ )نودربر ئے تورے۔
برطانوی خبر ایجنسی نا رِد ئٹ اوغان نودربر آتے متحدہ عرب امارات (یو اے ای) نا اسِہ کاروباری گروپ ئس اسپانسر کرینے۔
کاروباری گروپ نا چیرمین خلف احمد الحبطور سوشل میڈیا آ تینا اسِہ درشان ئسیٹی پارے کہ او 100 اوغان مسِڑتے دبئی ٹی رہینگ، یونیوسٹی ٹی خوانینگ اوفتا محفوظ چرینگ و چکر نا بندوبست ئے کرینے۔ مسِڑ تے اوغانستان آن ہَتنگ کِن خصوصی ایئر پلین ئسے زرّ ہم تِسُنے، ولے اوغان سرکار تعلیم نا خاطر آن دبئی آ ہنوکا نودربر آتے موکل تِتَنے۔
خلف احمد الحبطور نا رِد ئٹ طالبان 100 نودربر آتے جہاز ئٹی سوار مننگ کِن موکل تِتنے۔
اماراتی مرچنٹ سوشل میڈیا آ اسِہ اوغان نودربر ئسینا آڈیو شینک کرینے اوٹی نودربر پائک کہ اوڑتوں اُرا نا نرینہ آک ہم اوار اسر ولے کابل انتظامیہ اوفتے جہاز ئٹی سوار مننگ کِن موکل تِتو۔
