دزآپ(زاھدان): اینو سہب ئنا مالو مغربی بلوچستان نا ہند شتون (سراوان ) سیرکان ھرمزگان ئٹی زمین جُمب مسونے۔
زرمبش حوالکار آتا رِد ئٹ ہرمزگان ئٹی زمین جُمب نا زور 6.1 مسونے و مغربی بلوچستان ئٹی زمین جُمب نا زور 4.1 مسونے۔
ہرمزگان آ زمین جُمب سہب ئنا ساہت 2 آ مسونے، اوڑان گُڈ دوانزدہ آ ہم زمین جُمب مسونے، داسکان پنچ بندغ نا بیران مننگ و پنجاہ آن گیش ئنا ٹپی مننگ نا حوال ارے، پین بھاز اُرا نا تمنگ نا حوال ہم ارے۔
ہرمزگان ئٹی زمین جُمب آن بھاز نُسخان وش ساھگ پِنی ءُ خلق ئسے ٹی مسونے ہرا خمیر بندر آن 36 کلومیٹر مُر ءِ۔
زمین جُمب نا زور ہندا خلق ئٹی پاننگک۔ زمین جُمب نا سوب آن دا خلق ئنا اُرا تا دیوال آک تمانو ءُ پین جانی نُسخان نا حوال داسکان اف۔
ہندا وڈ مغربی بلوچستان نا ہند شستون نا سیرکان ئٹی زمین جُمب سُہب ئنا 3:39 آ مسونے، داڑے داسکان ہچو نسخان نا حوال رسینگتنے۔
