کوئٹہ: چاغی کوئٹہ نا ہند نو حصار نا مش تیٹی اِرا بندغ نا جونک خننگانو ۔ پولیس نا رد ئٹ شمبے نا دے کوئٹہ نوحصار نا مش تیٹی ارا بندغ نا ہرے نا جون آک خننگانو و اوفتے پجار کن اسپتال آ سر کننگانے، گیشتر کاروائی برجاء ءِ ۔
داڑان بیدے دالبندین نا ہند کرودک ئٹی کسر تدینی ٹی ارا بندغ کھسکنو و اسٹ ٹپی مسنے ۔حوال آتا رد ئٹ کرودک نا ہند آ لاری و موٹرسائیکل نا نیام ئٹی ٹکر آن خدا رحیم ولد داد خدا،محمد عیسی ولد بہار خان ہمو جاگہ غا کھسکنو و لاری ٹی سوار آ حاکم مینگل بھاز ٹپی مسنے ہرادے گیشتر علاج کن شال آ رائی کننگانے۔
