کوئٹہ : بلوچستان ئٹی ہار و نوکاپ نا دیر تا بھس کاری آن پد پی ڈی ایم نا پاننگ ئس کہ 14 اگست اسکان گروک و جمر تتون اوار تیز پِر تا گمان ہم ارے ـ
بلوچستان نا ڈیزاسٹر مینجمنٹ اتھارٹی نا پارہ غان شنگ مروکا رپورٹ نا رد ئٹ بلوچستان ئٹی 16 ضلع ٹی تیز پِر مننگ نا گمان ارےـ
پِر تیان بلوچستان نا کیہی ضلع آ تیٹ سیلاب مننگ ہم کیکـ رپورٹ نا رد ئٹ 1 جون آن 6 اگست اسکان جتا تدینی تیٹ 176 بندغ بیران مسونے، بیران مروکا بندغ آتیٹ 77 نرینہ، 44 زالبول و 55 چُنا اوار ءُ، بیرانیک بولان، کوئٹہ، ژوب، دکی خضدار، کوہلو، کیچ، مستونگ، ہرنائی، قعلہ سیف الله و سبی ٹی مسونو۔
دا وخت اسکان پر تیان ودی مروکا ویل آتا گواچی مرِیسہ 75 بندغ ٹپی مسونوـ بلوچستاب ئٹ 18 ہزار 87 اُرا تے نُسخان مسونے۔