بلوچستان ئٹی زوراکی ئٹ بےگواہی و دروغ ئن مقابلہ آتیٹی خلنگ مروکا تا خلنگ نا برخلاف لانچ مارچ کروکاک پنجگور آن ناگ ئنا نیمہ غا سرہلکنو۔
برانز کروکاک بیسمہ گریشہ ، و نال اسکان تیبہ غا دے مارچ کرور و پدا خضدار آ ہنور۔
لانگ مارچ کروکاک اِرا دے پنجگور ئٹی برانز کریر و بھلو کچ ئسے ٹی بندغ آک بسُر و بشخ ہلکُر ۔ و ہندا وخت آ بےگواہ آ بندغ آتا کوائف آتے مُچ کننگ کن ڈیسک ہم خلنگا۔
لانگ مارچ کروکاک بلوچ الس آن بلوچ بقاء نا دا جدوجہد و لانگ مارچ ئٹی بشخ ہلنگ نا خواست کریر ۔
ایسر ئٹی پاریر کہ ہراوخت اسکان بلوچستان ئٹی سی ٹی ڈی نا وڑ اِنگا دہشتگرد فورسز آک بلوچ نسل کشی ئے بند کپسہ دا جنز ہندُن برجاء مرو۔
