شال: غٹ بلوچستان ئٹی پِر تا لڑ برجاء۔ شال ءُ بلوچستان نا بھاز انگا ہند آ تیٹ اُرا تا چھت و دیوال آتا تمِنگ آن چُنا و نیاڑی تیتوں اوار 39 بندغ بیران۔
شال، پشین، چمن، خانوزئی، قلعہ عبداللہ، دکی، اوستہ محمد، جھل مگسی، ڈیرہ مراد جمالی، مشکے، آواران، کیچ، گوادر، لسبیلہ، خضدار ، نوشکی، واشک، بسیمہ، بارکھان، و بلوچستان نا کہی پین ہندا تیٹی پِر تا لڑ برجاء ءِ۔
بھاز انگا خلق آتے دیر ملّ آنے، بھاز انگا جاہ تیٹی اُرا تا دیوال آک تمانو پین باز نسخان ہم مسونے۔ مند ئٹی مُسِہ چُنا ءِ ہار ئنا دیر درینے ءُ مُسہ چُنا ہم بیران مسونو۔
زرمبش حوالکار آتا رِد ئٹ مند ئٹی مند ڈور ئنا ہار ئنا دیر مُسِہ چُنا منزور، مُراد ءُ زریف ءِ درینے و ہر مُسہ چُنا مرگ ئنا گواچی مسونو۔ مُسٹ انگا چُناک اسِہ کہول نا ءُ و مند و لبنان نا ہندی پاننگرہ۔
مَچ ئٹی ہار ئنا سَوَب آن دیر پنچ کہن ئٹی کاریم کروکو درینے، ہندی بندغ آک اسِہ کاریمی ءُ بندغ ئسے ٹپی حالیت ئٹی خنانو و ایلوفک داسکان گُم و گار ءُ۔
گوادر ئٹی جھل تا دیر ئنا سَوَب آن بجلی نا سی کھمبہ تمانے ہندی بندغ آل بھاز جنجال تون مون تننگ ءُ۔
کیچ و پنجگور ئٹی ڈور ءُ جلّک دیر درینو، مُسِہ اُلاخ ءِ ہم دیر درینے ولے بندغ آک بچانو۔
بلوچستان نا گیشتر آ ہند آ تیٹی ہار ئنا سوب آن 39 بندغ نا بیرانی نا حال رسینگانے، ودیک حال تیکن ننا پٹ و پول برجا ءِ۔
