ریڈیو زْرمبش براہوئی | ریڈیو زْرمبش براہوئی,Emaan-mazaari,Released-,but-ali-wazir-is-still-under-arrest-for-blames-of-hatred-against-Pakistani-army-

پاکستان نا بنجاہی شار اسلام آباد ئٹی ہندی عدالت ئٹی بغاوت، بدامنی نا درج مقدمہ ٹی مسکوہی اسمبلی نا باسک علی وزیر ئے جوڈیشل ریمانڈ کِن جیل آ مون تِننگانے، ہندا مقدمہ ٹی مسکوہی انسانی حق آتا وزیر شیرین مزاری نا مسِڑ و انسانی حق آتا باسک زینب مزاری نا ضمانت منظور مسُنے۔

ہندی کورٹ و جج وقاص احمد راجہ ایمان مزاری و علی وزیر نا بر خلاف تھانہ ترنول ئٹی سرکاری کاریم تیٹی دو بِٹنگ و سرکاری اُراتے نسخان تِننگ نا کیس مس۔

پی ٹی ایم نا رہشون علی وزیر ئے اِرا دے ئکن جانی ریمانڈ تِننگ آن گڈ عدالت ئٹی ہَتِنگا۔

پراسیکیوٹر عاطف الرحمن نا رِد ئٹ علی وزیر ئے داسکان اِرا دے ئنا جانی ریمانڈ تِننگانے۔
پراسیکیوٹر عاطف الرحمن نا رِد ئٹ پولیس نا کنڈ آن علی وزیر تون ہچو تعاون ئس افک، اوڑان پولیس توفک نشان تننگ نا کوشست ئٹی ئے۔

پراسیکیوٹر ملزم آتا مُستی جانی ریمانڈ نا خواست کرے ولے علی وزیر نا وکیل پارے کہ اِرا دے ئنا جانی ریمانڈ تِننگانے و ہچو گڑاس پیشتمتنے۔

وکیل پارے کی علی وزیر نا برخلاف درج آ مقدمہ آتیٹی 3 ناقابل و ضمانت و ایلوک قابل ضمانت ءُ۔
علی وزیر نا وکیل پارے کہ برانز ئٹی ہرکس مننگ کیک، علی وزیر نا برانزی تون ہچو کاریم ئس اف، دیچہ پولیس انت ئس اوڑاں پاننِفنگ خواہک۔