ریڈیو زْرمبش براہوئی | ریڈیو زْرمبش براہوئی,Afghan-taliban-and-Pakistani-army-border-issues-,on-turkham-border-

پاکستان اوغانستان طورخم نا سیم آ چار شمبے نا سُہب آ سیم ئنا زی آ لشکری کارندہ آتا اِرٹنگا نیمہ آن سُمکاری آن پد سیم بند کننگا۔

اوغان طالبان جنگ ءِ بناہ کننگ نا ذمہ واری ءِ پاکستانی لشکر آ شاغا۔

اوغان طالبان نا جارکش ذبیح اللہ مجاہد پنچ شمبے نا دے انڈپینڈینٹ اردو ءِ طورخم سیم آ سُمکاری نا بابت پارے کہ” طورخم سیم آ داخس بھلو سُمکاری متنے ولے سُمکاری نا بناہ پاکستانی لشکر نا نیمہ آن کننگا”۔

اوغان طالبان نا جارکش ذبیح اللہ مجاہد نا پاننگ اسّ کہ دا رد ئٹ پاکستانی کالخواہ تیتوں ہیت کرون کہ بروکا وخت آ دُنو تدینی مونی بف۔

دا رد ئٹ افغانستان جانی نسخان نا ہیت ءِ کرینے ولے دا رد ئٹ شابیتی حوال مونا بتنے۔

پاکستان و اوغان طالبان نا نیام ئٹ طورخم کاروبار نا المی آ کسر ءِ ہراکان افغانستان آن پوغ بریک و پاکستان آن کُننگ نا گڑا افغانستان آ کائِک۔

کابل آ طالبان نا قوضہ آن پد طورخم سیم آ کیہی وار پاکستانی لشکر و اوغان طالبان نا نیام ئٹ جھڑپ مسُنے۔

حالیت آتا خراب مننگ نا سوب آن مُست ہم کیہی وار طورخم بارڈر بند کننگانے ہرانا سوب مسافر آتے سخت مشکل و کاروباری بندغ آتے نسخان ہرفوئی تمانے۔