ریڈیو زْرمبش بلوچی | ریڈیو زْرمبش بلوچی

کیچ: زورگریں پاکستانی لشکر ءِ چیریں آزار جاھاں دو بیگواھیں مردم آجو بوتگ۔

اھوالکار ءِ رد ءَ چہ تمپ ءَ آجو بوتگیں مردم ءِ نام پیر بکش ء بیت اللہ اِنت کہ پاکستانی لشکر ءَ جولائی 2023 ءَ آوار جتگ ءُ بیگواہ کرتگ ءُ دوشی آجو بوتگ ءُ وتی گس ءَ سر بوتگ۔ ھمے وڑ ءَ پاکستانی لشکر ءِ چیریں آزار جاھاں ھاپز ھلیل ابابکی ھم آجو بوتگ کہ آئی ءَ پاکستانی لشکر ءَ چار سال پیش آوار جتگ ءُ بیگواہ کرتگ۔

یات بہ بہ اِت کہ چہ تمپ ءَ پاکستانی لشکر ءِ دست بیگواہ کنگ بوتگیں ماں گوں پیربکش ءَ ھوار سے مردم آجو بوتگ۔ آدگہ دو مردم ءِ نام پاروک ء ھمید ءُ داد رھیم ء ابدُالسمد اِنت۔