وزیرستان: پاکستانی لشکر ءِ سر ءَ پجار نہ بیتگیں سلاہ بندیں مردمانی اُرش ءَ چار کارمند مرتگ ءُ لشکر ءَ شش سلاہ بندیں مردمانی کشگ ءِ ٹاپار جتگ۔
پاکستانی لشکر ءِ رسانکدری بھرگ آئی ایس پی آر ءِ رد ءَ زربار ءُ گوریچانی وزیرستان ءَ سلاہ بندیں مردمانی گون ءَ دیم پہ دیمی میڑ ءَ لانس نائیک تبسم الھک، سپاھی نئیم اکتر، سپاھی ارپان الی ءُ سپاھی اَبدُلھمید مرتگ اَنت۔
آئی ایس پی آر ءِ گوشگ اِنت کہ گوریچانی وزیرستان ءَ پاکستانی لشکر ءُ سلاہ بندیں مردمانی میان ءَ میڑ ءَ شش سلاہ بندیں مردم کشگ بوتگ۔ آیانی تہ ءَ سلاہ بندیں گلے ءِ سروک ھزرت زمان پنام اورے ملا ھم کشگ بوتگ کہ آ بازیں اُرشاں ھوار اِنت۔
بنشون: دمگی اھوالکار / اکس: آئی ایس پی آر
