ریڈیو زْرمبش بلوچی | ریڈیو زْرمبش بلوچی

مستونگ/ ڈیرہ بگٹی: پنچ شمبے ءِ روچ ءَ تیرگواری وئیلاں سے مردم بیران ءُ چار مردم ٹپی بیتگ۔ بنشون ءِ رد ءَ مستونگ ءِ ھند ولی ھان ءَ زمینی جیڑھے ءَ دو ٹولیانی میان ءَ تیرگواری ءَ دو مردم بیران ءُ چار مردم ٹپی بیتگ۔ بیران بیتگیں مردمانی نام کنگڑ ھان پنام چنگیز لھڑی ءُ اھمد اللہ سمالانی اِنت۔ بیران بیتگیں مردمانی جون ءُ ٹپی بیتگیں مردم نادراھجاہ ءَ برگ بیتگ اَنت۔ بیران بیتگیں مردمانی جون ھژدری چار ءُ ٹپاس کنگ ءَ پد کھول ءِ دست ءَ دیگ بیتگ اَنت۔ ھمے وڑ ءَ ڈیرہ بگٹی ءِ ھند سور ءَ پجار نہ بیتگیں سلاہ بندیں مردمانی تیرگواری ءَ انایت اللہ نامیں ورنایے بیران بیتگ۔ آئی ءِ جون پہ ھژدری چار ءُ ٹپاس کنگ ءَ نادراھجاہ ءَ برگ بیتگ۔ بنشون : دمگی اھوالکار | اکس : زرمبش