گْوادر ءِ ھند جیمڑی ءُ واشک ءِ ھند ناگ ءَ دو مردم ءِ لاش دزکپتگ۔
اھوالکار ءِ رد ءَ چہ جیمڑی ءَ دزکپتگیں لاش سلیم ء ابراھیم ءِ نام ءَ زانگ بوتگ کہ کیچ ءِ ھند ھیر آباد ءِ جھمنند اِنت۔ سلیم چہ آزار دیگ ءَ پد تیر جنگ ءُ کشگ بوتگ۔ آئی لاش پہ ھژدری چار ءُ ٹپاس کنگ ءَ جیمڑی ءِ نادراھجاہ ءَ برگ بوتگ۔
ھمے وڑ ءَ واشک ءِ ھند ناگ گراڑی ءَ سی پیک دگ ءِ نزیک ءَ مردمے ءِ ژانگولیں لاش دز کپتگ۔ بیران بوتگیں مردم ءِ نام گوس بکش ء گلام جان اِنت کہ مچ کچی ءِ جھمنند اِنت۔ آئی لاش لیویز ءَ دست گپتگ ءُ پہ ھژدری چار ءُ ٹپاس کنگ ءَ نادراھجاہ ءَ برتگ۔ دوئیں مردمانی کوش ءِ سوب انگت زانگ نہ بوتگ۔
