بلوچ آجوئی لشکر (بی ایل اے) ءِ جارکش جیھند ءَ ماں رسانکدر ءَ وتی شنگ کُرتگیں درشانے ءَ گْوشتگ کہ سرمچاراں سبدان ءُ تربت ءَ دو جتائیں اُرشاں زورگریں پاکستانی لشکر ءِ سر ءَ اُرش کُرتگ، اُرشاں دُژمن ءِ پنچ کارمند ٹپی بیتگ۔ آ
ئی ءَ گْوشتگ کہ سرمچاراں سبدان ءَ زورگریں پاکستانی لشکر ءِ بنجل ءِ سر ءَ گوں گرنیڈ لانچراں اُرش کُرتگ، اے اُرش ءَ کم چہ کم دُژمنیں لشکر ءِ سے کارمند ٹپی بیتگ ءُ دُژمن ءَ دگہ ھم جانی ءُ مالی تاوان بیتگ۔
جارکش ءَ گْوشتگ کہ دگہ یک اُرشے ءَ گْوستگیں شپ ءَ بی ایل اے ءِ سرمچاراں تربت ءَ سلالہ بازار ءَ گُلام نبی پمپ ءِ نزیک ءَ چیزیں روچ پیش برجاھیں زورگریں پاکستانی لشکر ءِ یک پانگسے ءِ سر ءَ دستی بمب اُرشے کُرتگ، اُرش ءَ کم چہ کم دُژمنیں لشکر ءِ دو کارمند ٹپی بیتگ۔
جیھند ءَ دوئیں اُرشانی زمہ واری منّ اِتگ اَنت ءُ گْوشتگ: ما کول کن ایں کہ داں بلوچستان ءِ آجوئی ءَ مئے اُرش برجاہ بنت۔
بنشون: درشان / اکس: شرمبش
