ریڈیو زْرمبش بلوچی | ریڈیو زْرمبش بلوچی

بلوچ راجی زْرمبشت ( بی این ایم ) ءِ دری کارانی تک ءِ نیاد ءَ پہ تْرامگیج ( ادارہ ) ءِ مگیمی ءَ اگدہ دار گچین کنگ بیتگ اَنت۔نیاد ءِ شور ءِ رد ءَ پھیم دری کارانی تک ءِ راھوتکار ، نیاز کمک راھوتکار ءُ ھکیم واڈیلہ جھگیر گچین کنگ بیتگ۔

بی این ایم ءِ دری کارانی کارگشاد ھمل ھیدر ءِ پاگواجھی ءَ بیتگیں اے نیاد ءَ گْوستگیں کارکرد ءِ سر ءَ ھم چمشانک دیگ بیتگ۔ اے دم ءُ درگت ءَ دری کارانی کارگشاد ءَ گْوشتگ بی این ایم ءِ دری کارانی تک گوں راھبند ءُ سوگھی ءِ بنیاد ءَ کار کنگ لوٹ ایت پمیشکا زمہ وار گچین کنگ بیتگ اَنت۔

دری کارانی تک چہ گل ءِ جتائیں تکاں باسکانی بودشت ءِ بنیاد ءَ سر ءُ سوجی پترے جوڑ کنت کہ آ شوندات جوڑ کنگ ءَ کمک کنت۔اے تک ماں جنیوا ءَ راجانی سنت ءِ مردمی اگبالانی پتر ءِ آیوکیں پنجاہ ءُ پنچمی نیاد ءِ میان ءَ ، مراگشے ءِ چن ءُ لانچ ھم کنگ ءَ اِنت۔ چہ ایشی ءَ ابید دری کارانی تک ماں بلوچستان ءَ پاکستان ءِ جنگی میارانی سھرا کنگ ءَ گوں گل ءِ مردمی اگبالانی تک ءَ ھمکاری ءَ پراوست اِنت۔

اے رد ءَ زیرگ بیتگیں اے گامگیج وتی مولاں رسگ ءُ گل ءِ تہ ءَ داشت ءِ الم کنائینگ ءَ بی این ایم ءِ بنجاھی شونداتانی بھر اِنت۔

بنشون: درشان / اکس: بی این ایم