بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں یازدہ اگست ءَ بلوچستان ءِ آجوئی ءِ روچ ءَ مستونگ، کولواہ ءُ ھیرونک ءَ سَے اُرشاں پروش وارتگیں دژمن ءِ سر ءَ اُرش کُرتگ ءُ جانی ءُ مالی تاوان داتگ۔
آئی ءَ گوشتگ کہ سرمچاراں یازدہ اگست ءِ سُھب ءَ مستونگ ءَ پاکستانی لشکر ءِ میجر ءِ گِس ءِ سر ءَ دستی بمبے چگل داتگ کہ بمب گِس ءِ ٹوھیں دروازگ ءِ دپ ءَ کپتگ ءُ تْرک اِتگ کہ چہ ایشی ءَ گِس ءَ تاوان بیتگ۔
جارکش ءَ گوشتگ کہ گْوستگیں شپ ءَ سرمچاراں کیچ ءِ ھند ھیرونک ءَ لشکر ءِ پانگس ءِ سر ءَ گوں ٹوھین ءُ نوکیں سلاھاں اُرش کُرتگ کہ چہ ایشی ءَ دژمن ءَ تاوان بیتگ۔
آئی ءَ گوشتگ کہ دگہ یک اُرشے ءَ گْوستگیں شپ ءَ کولواہ ءَ کڈ ءِ ھوٹل ءِ نزیک ءَ برجاھیں لشکر ءِ پانگس ءِ سر ءَ سرمچاراں چہ دو نیمگ ءَ گوں ٹوھیں سلاھاں اُرش کُرتگ ءُ سَے کارمند کُشتگ ءُ دو ٹپی کُرتگ۔
جارکش ءَ گوشتگ کہ چاردہ اگست یک سیاھیں روچے ءُ اے روچ ءَ زورگِپتیں بلوچستان ءَ زورگر ءِ آجوئی ءِ وتگڑیں روچ ءَ بلوچ سرڈگار ءِ سر ءَ زورگِر ءِ دُرسیں مراگش مئے نشانگ ءَ اَنت۔
میجر گھرام ءَ ارشانی زمہ واری من اتگ ءُ گوشتگ کہ داں بلوچستان ءِ آجوئی ءَ اُرش برجاہ بنت۔
