بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ ھند کولواہ، کنیچی ءَ برجاھیں زورگریں دژمن ءِ بنجل ءِ سر ءَ اُرش کُرتگ۔
آئی ءَ گوشتگ کہ سَے اگست ءِ بیگاہ ءِ شش ءَ سرمچاراں کنیچی ءَ زورگریں پاکستانی لشکر ءِ بنجل ءِ سر ءَ گوں نوکین ءُ ٹوھیں سلاھاں اُرش کُرتگ، اُرش ءَ دژمنیں لشکر ءِ یک کارمندے مُرتگ ءُ سَے سَک ٹپی بیتگ۔
جارکش ءَ گوشتگ کہ بی ایل ایپ گوں نوکیں جنگی رپکاں دژمن ءَ ھرکجا پروش دیگ ءَ اِنت ءُ دُژمن وتی پروش ءِ چیر دیگ ءَ لس آبادیانی سر ءَ زوراکی کنت۔
آئی ءَ گوشتگ کہ دژمن گوں نوکتریں سلاھاں بند بیگ ءَ ابید سرمچارانی راجی جوزگ ءِ دیم ءَ پروش وارتگ ءُ تچگ ءِ راھاں شوھازگ ءَ اِنت بلے بلوچستان ءِ سرڈگار ءَ پجاروکیں ھمبلاں ھرکجا دژمن ءِ سُر ءُ پُرانی سر ءَ چم سک داتگ ءُ آئی ءَ نشانگ کنگ ءَ اَنت۔
میجر گھرام ءَ ارش ءِ زمہ واری من اتگ ءُ گوشتگ کہ داں پاکستانی لشکر ءِ دراھگ ءَ دژمن ءِ سر ءَ اُرش برجاہ بنت۔
