گوادر: زورگریں پاکستانی لشکر ءِ لشکرکشی ءُ زوراکی برجاہ اِنت، لشکر ءَباز مردم آوار جتگ ءُ بیگواہ کرتگ۔
اھوالکار ءِ رد ءَ زور بیگواہ کنگ بوتگیں مردمانی تہ ءَ پنچ مردم ءِ نام سمیر ء ھمزہ، بلال ء رزا مھمد، درمھمد چیپ ء کریم بکش،امیر ء اسلم ءُ امان ء مھمد جمادار اِنت کہ سربندن ءِ جاہ منند اَنت۔ زورگریں پاکستانی لشکر ءَ دوشی بازیں کچے ءَ سربندن ءَ بیڑ برتگ ءُ گسانی پٹ ءُ پول کنگ ءِ ھواری ءَ گوں جنین ءُ زھگاں زوراکی کرتگ۔
بنشون ءِ رد ءَ سربندن ءَزورگریں پاکستانی لشکر ءِ زوراکی انگت ءَ برجاہ اِنت اے وھد ءَ بازیں کچے ءَ لشکری کارمند ساڑی اَنت۔ انچوش گمان کنگ بوگ ءَ اِنت کہ پاکستانی لشکر وتی زوراکیاں گیش کنت۔
اے باروا مئے گیشیں جست ءُ پرس برجاہ اِنت۔
