آواران: تیرتیج ءَ زورگریں پاکستانی لشکر ءِ دست ءَ زور بیگواھیں جمیل اھمد ءِ جنک اسمہ بلوچ ءَ پہ وتی پت ءِ زوریں بیگواھی ءِ یازدہ سال سرجم بوگ ءَ کپینے برجم دارگ ءِ جار جتگ۔
آئی ءَ گوشتگ کہ 29 اپریل 2013 ءَ پاکستانی لشکر ءَ مئے میتگ تیرتیج انگر کرتگ ءُ گسانی پٹ ءُ پول ءِ میان ءَ باز مردم درکانودی آوار جتگ کہ آیانی تہ ءَ منی پت جمیل اھمد ء رھمت ھم آوارجنگ بوتگ۔ روچے ءَ پد درسیں مردم یل کنگ بوتگ اَنت بلے منی پت یازدہ سال اِنت چہ پاکستانی لشکر ءِ دزگیری ءَ پد انگت بیگواہ اِنت۔
اسمہ ءَ گوشتگ کہ 29 اپریل 2024 ءَ من پہ وتی پت ءِ یازہ سال ءِ زوریں بیگواھی ءِ بگیری ءَ چاگردی رسانکدر ایکس ءُ پیسبک ءَ بیگاہ شش ءَ داں دوازدہ ءَ کمپینے برجم دارگ ءَ آں۔
آئی ءَ گوشتگ کہ من گوں درسیں مردمی ھکانی گل ءُ رسانکدری کارکنانی گون ءَ لوٹ کن آں کہ اے کمپین ءَ مارا کمک بہ کن اَنت ءُ منی پت زوتاں چہ زوت آجو بہ بیت۔
