آواران: مشکے ءَ زورگریں پاکستانی لشکر ءَ دو ورنا وتی بنجل ءَ لوٹاھینتگ ءُ بیگواہ کرتگ۔
اھوالکار ءِ رد ءَ زور بیگواہ کنگ بوتگیں ورنایانی نام ولی ھان ء نزیر جاہ منند تنک وشی بازار ءُ سجاد ء آزم جاہ منند تنک گپور بازار اِنت۔ زورگریں پاکستانی لشکر ءَ زی سھب ءَ گوں آدگہ مردمانی ھواری ءَ مشکے گجر ءِ بنجل ءَ لوٹاھینتگ اَنت آدگہ درسیں مردم یل کنگ بوتگ اَنت، ولی جان ءُ سجاد بیگواہ اَنت۔
ولی ھان ءُ سجاد ءِ زوریں بیگواھی ءِ گپ بلوچ راجی زرمبشت ( بی این ایم ) ءِ مردمی ھکانی ادارہ پانک ءَ راست ءُ کرتگ ءُ ماں چاگرددی رسانکدر ءِ تندجاہ ایکس ءَ آیانی اکس شنگ کرتگ ءُ آجوئی ءِ لوٹ کرتگ۔
