شال: پاری چہ شال ءَ لوگبانک ءِ ھواری ءَ آوار جنگ بوتگیں مھمد رھیم زھری پولیس ءِ دست ءَ دیگ ءُ زندان ( ھدہ جیل ) ءَ دیم دیگ بوتگ۔
مھمد رھیم زھری 3 پروری 2023 ءَ گوں وتی مات، دو زھگ، لوگبانک رشیدہ ءِ ھواری ءَ چہ گشکوری ٹاؤن، ناشناس کالونی ءَ آوار جنگ ءُ بیگواہ کنگ بوتگ اَت۔ آئی لوگبانک یازدہ روچ ءَ پد یل کنگ بوتگ۔
پہ مھمد رھیم زھری ءِ زوریں بیگواھی ءِ بگیری ءَ زھرشانی ھم کنگ بوتگ۔ آ سالے ءَ گیش ءِ زوریں بیگواھی ءَ پد مرچی پولیس ءِ دست ءَ دیگ بوتگ۔
مھمد رھیم زھری ءِ پولیس ءِ دست ءَ دیگ ءِ گپ بیگواھیں بلوچانی توار ( وی بی ایم پی ) ءَ راست کرتگ ءُ ماں چاگردی رسانکدر ایکس ءَ پوسٹ کرتگ۔
