کابل: اوگانستان ءِ سیمسری دمگ کوست ءُ پکتیا ءَ پاکستانی لشکر ءِ جنگی بالگردانی بمبگواری کرتگ۔
جھانی رسانکدر ءِ رد ءَ دوشی سھور ءِ وھد ءَ پاکستانی لشکر ءِ جنگی بالگرداں باھوٹیانی گسانی سر ءَ بمبگواری کرتگ،جنین ءُ زھگ بیران بوتگ اَنت۔
ھندی بنشون ءِ رد ءَ سے چار جاگھاں بمبگواری کنگ بوتگ کہ بازیں زھگ ءُ جنینے بیران بوتگ ءُ گس ءُ جاگھ تباہ بوتگ اَنت۔
اے درگت ءَ پاکستان سرکار ءِ نیمگ ءَ ھچ وڑیں درشان شنگ کنگ نہ بوتگ۔ اوگانستان ءُ پاکستان ءِ سیمسری ھندانی جاور ناگیگ اَنت پاکستان ءِ نیمگ ءَ پیش ءَ برزی اُرش کنگ بوتگ۔
زبی اللہ مجاھد ءَ وتی درشانے ءَ اے اُرش ایر جتگ ءُ گوشتگ کہ اے اُرش شپ ءِ نیم ءَ پکتیا ءِ ھند برمل ءِ لمن ءُ کوست ءِ ھند سپیری ءَ کنگ بوتگ اَنت۔ اے ارشاں لس مردم نشانگ کنگ بوتگ اَنت۔
زبی اللہ مجاھد ءِ گوشگ اِنت کہ اے ارشاں ابداللہ شاہ ءِ جنگ ءِ گپ بوگ ءَ اِنت کہ آئی گس نشانگ کنگ بوتگ اَنت، آ اوگانستان ءَ نہ اِنت بلکیں پاکستان ءَ اِنت۔
ھندی مردمانی گوشگ اِنت کہ اے ھند چہ پاکستان ءِ دمگ زرباری وزیرستان ءُ گوریچانی وزیرستان ءَ نزیک اِنت۔
