شال: وائس پار بلوچ مسنگ پرسنز (وی بی ایم پی) ءَ وتی درشان ءَ گوشتگ کہ اللہ رکیہ ءِ کھول ءَ گوں گل ءِ کارگشاد ھوران بلوچ ءَ رھوت کرتگ ءُ گوشتگ کہ پہ بیگواھیں مردماں جوڑ کنگ بوتگیں کمیشن ءَ آئی کیس ءِ بابت ءَ جست ءُ پرس داشتگ۔ نہ اللہ رکیہ آجو کنت ءُ ناں کہ آئی بابت ءَ سرکار ءِ نیمگ ءَ سرپدی دیگ بیت۔
آئی کھول ءَ گوشتگ کہ اللہ رکیہ سمالاڑی ھشت جون 2019 ءَ چہ ھرنائی ءِ ھند شاھرگ ءَ پوج ءِ سوبیدار رھمت ءُ آدگہ کارمنداں آوار جتگ ءُ بیگواہ کرتگ۔ چہ ایشی ءَ پد آمیدگس ءَ پیش کنگ نہ بوتگ۔
آئی کھول گوں سرکار ءَ لوٹ کرتگ کہ اللہ رکیہ سمالاڑی ءِ آجوئی ءَ زوت دلجمی دیگ بہ بیت۔ اگاں آئی سر ءَ بھتامے ھست گڑا آمیدگس ءَ پیش کنگ ءُ آئی کانودی ھک دیگ بہ بیت۔ دانکہ مئے کھول چہ اے آزاراں بہ رک ایت۔
ھوران بلوچ ءَ آئی کھول دلجمی داتگ کہ گل ءَ پیسر ءَ ھم اللہ رکیہ ءِ کیس کمیشن ءَ داتگ ءُ انوں دوبر گل ءِ نیمگ ءَ گوں کمیشن ءَ رھوت کنگ ءُ آئی کیس ءِ سر ءَ کاروائی کنگ ءِ جھد کنگ بیت۔
بنشون: درشان اکس: رسانکدر
