کلات ءِ ھند کیل ءَ سلاہ بندیں مردمانی تیرگواری ءَ مردمے بیران بوتگ، کھول ءَ لاش ءِ ھواری ءَ شھدگ بستگ ءُ زھرشانی کنگ ءَ اَنت۔
اھوالکار ءِ رد ءَ کشگ بوتگیں مردم ءِ نام ستار ازیز ء بابو ابدل ازیز اِنت۔ کھول ءَ آئی لاش زرتگ ءُ زھرشانی ءَ شھدگ بستگ۔ زھرشانی ءِ سوب ءَ دوئیں نیمگاں گاڑیانی مزنیں کتار اوشتوک اَنت۔
کھول ءَ آئی کشندھانی دزگیر کنگ ءِ لوٹ کرتگ ءُ گوشتگ دانکہ ستار ءِ کشندہ دزگیر کنگ نہ بنت مئے زھرشانی برجاہ بیت۔
بنشون: رسانکدر اکس: رسانکدر
