بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی درشانے ءَ گوشتگ کہ بی ایل ایپ ءِ سرمچاراں15 اپریل 2026 ءَ آواران ءِ ھند جاؤ ءَ سیڑ ءَ زورگریں پاکستانی پوج ءِ کاروان ءِ سرءَ ترندیں ارشے کرتگ۔ اے کاروان چہ آواران ءَ درکپتگ ءُ جاؤ ءِ نیمگ ءَ روگ ءَ بوتگ کہ سنگر گپتگیں سرمچاراں ارش کرتگ۔
آئی ءَ گوشتگ کہ سرمچاراں دژمنیں پوج ءِ کاروان ءِسر ءَ چہ چاریں نیمگاں گوں راکٹ لانچر، ایل ایم جی ءُ آدگہ سلاھاں ارش کرتگ۔ دژمنیں پوجءِ سے گاڑی ارش ءِ زد ءَا تکگ ءُ سرجمءَ تباہ بوتگ، ایشی آسر ءَ گاڑیاں سواریں دہ کارمند جاھی مرتگ ءُ دگہ باز ٹپی بوتگ۔ اے کاروائیءِ میان ءَ دژمن ءَ سرمچارانی سنگرانی سر ءَ گوں کواڈ کاپٹر ءَ بالی ارش کنگ ءِ کوشست کرتگ۔ باز سرمچار ءَ یکیں وھد ءَ کاروائی کرتگ ءُ پد ماں پد ءَ تیرگواری کرتگ ایشی آسر ءَ دژمن ءِ کواڈ کاپٹر تباہ بوتگ۔
جارکشءَ گوشتگ کہ دگہ یک کاروائی یے ءَ سرمچاراں 18 اپریل 2026 ءَ تربت ءِ ھند نودز ءَ زورگریں پوج ءِ سے گاڑیانی کاروان ءِ سر ءَ ارش کرتگ۔اے کاروائی ھما وھد ءَ کرتگ کہ دژمن ءِ کاروان ھمے ھند ءَ پہ تر ءُ گرد ءَ راہ ءِ چارگ ءِ کوشست ءَ بوتگ۔ ارش ءِ بندات ءَ سرمچاراں کاروان ءِ پھازداری ءَ راہ ءِ چاروکیں بمب چاروکیں دو کارمند نشانگ کرتگ، ایشی آسر ءَ دوئیں کارمند جاھی مرتگ اَنت۔ رند ءَ کاروانءَ ھواریں سے ئیں گاڑیانی سر ءَ گوں وتکاریں سلاھاں ارش کرتگ۔ ایشی آسر ءَ دگہ یک کارمندے مرتگ ءُ دو ٹپی بوتگ۔ ارش ءَ گاڑی باز تاوان بوتگ اَنت۔
آئی ءَ گوشتگ کہ دگہ یک کاروائی یے ءَ سرمچاراں 18 اپریل 2026 ءَ ھزدار ءِ ھند بازگیر ءَ ایپ سی ءِ ھیلکاری جاہ ءِ سر ءَ گوں دستی بمب ءَ ارش کرتگ۔ سرمچاراں ایپ سی ءِ آرامجاہ ءِ سر ءَ دستی بمب ارش کرتگ کہ آگوں زور ءَ ترک اِتگ، ایشی آسر ءَ دژمن ءَ باز تاوان بوتگ ءُ ترس آماچیں پوجیاں تیرگواری کرتگ۔
جارکش ءَ گوشتگ کہ دگہ یک کاروائی یے ءَ سرمچاراں 17 اپریل 2026 ءَ آواران ءِ ھند کنیچی ءَ پاکستانی پوج ءِ چوکی ءَ ارش کرتگ۔ تھرمل اسکوپ کارمرز کرتگ دژمن ءِ یک کارمندے کشتگ۔ سرمچارانی آدگہ ٹولی ءَ چوکی ءِ سر ءَ گوں وتکار ءُ مزنیں سلاھاں ارش کرتگ ءُ دژمن جانی ءُ مالی تاوان داتگ۔
آئی ءَ گوشتگ کہ ھمے وڑ ءَ دگہ یک کاروائی یے ءَ سرمچاراں 17 اپریل 2026 ءَ نیمروچ ءَ سے ءِ نزیک ءَ پسنی ءِ ھند تشنگی ءَ مکران کوسٹل ھائی وے ءَ دگ بندی کرتگ۔ سرمچاراں شھدگ ءِ مزنیں بھرے سرجم ءَ بند کرتگ ءُ دژمنءِ تر ءُ گرد داشتگ۔ دگ بندی ءَ میان ءَ اوشتاتگیں گاڑی پٹ ءُ پول کرتگ اَنت۔
جارکش ءَ گوشتگ کہ بی ایل ایپ مھلوک ءُ شھدگ ءَ سپر کنوکیں مساپرانی گون ءَ لوٹ کنت کہ آ سرمچارانی نیمگ ءَ دگ بندیانی میانءَ کمک بہ کن اَنت۔ ما اے گپ ءَ تچک ءَ گوش ایں کہ دگ بندی ءِ میان ءَ سرمچارانی گپانی زورگ پہ شمئے جان سلامتیءَ ھژدری اِنت۔ اگاں کجام مردم یا گاڑی دگ بندی ءِ بگیری ءَ بہ کنت ءُ کمک کنگ ءِ جاہ ءَ وت ءَ شکی بہ کنت گڑا سرمچار آئی ءَ دژمن ءِ کمکار سرپد بنت۔
میجر گھرام بلوچ ءَ درشان ءِ گڈیءَ درسیں کاروائیانی زمہ واری من اتگ۔
بنشون: درشان اکس: زرمبش
