شال: وائس پار بلوچ مسنگ پرسنز ءِ چیرمین نسراللہ بلوچ ءَ وتی درشانے ءَ گوشتگ کہ زوربیگواھیں سدیک لانگو ءِ کیس زوربیگواھیں مردمانی کمیشن اسلام آباد، تھی کارانی وزیر، بلوچستان ھوم ڈیپارٹمنٹ ءَ سر کرتگ دانکہ کانودی کاروائی کنگ بہ بیت۔
آئی گوشتگ کہ پہ مھمد سدیک لانگو ءِ زوتیں آجوئی ءَ دلجمی دیگ بہ بیت۔ اگاں آئی سر ءَ چونیں ھم بھتامے ھست گڑا آمیدگس ءَ پیش کنگ بہ بیت۔ دانکہ آئی کھول چہ اے جنجال ءَ بہ رک ایت۔
آئی کھول ءِ گوشگ اِنت کہ مھمد سدیک لانگو ھپت اپریل ءِ شپ ءِ ادار دوازدہ ءَ چہ کلی اسمائیل ءَ چہ ابید ارزی ءَ آوار جنگ ءُ بیگواہ کنگ بوتگ۔ چہ ایشی ءَ پد مارا آئی بابت ءَ ھچ سرپدی دیگ نہ بوتگ۔
وی بی ایم پی ءِ چیئرمین ءَ گوشتگ کہ زوریں بیگواھی نہ تھنا انسانی ھکانی لگتمالی اِنت بلکیں کانود ءِ سر ءَ جستے ودی کنت۔
بنشون: درشان اکس: رسانکدر
