بلوچ نیشنل موومنٹ ءِ انسانی ھکانی ادارہ پانک ءَ وتی درشان ءَ بارکان ءِ ھند لھمہ زرین ءَ چہ پاکستانی پوج ءِ تیر گواری ءَ یکیں کھول ءِ دوازدہ مردم ءِ کوش ایر جتگ ءُ گوشتگ کہ بیران ءُ ٹپی بوتگیں مردمانی تہ ءَ زھگ ھم ھوار اِنت۔
آئی ءَ گوشتگ کہ مری ٹک ءِ یک پھوالیں کھولے لڈ ءُ بار ءِ میان ءَ مزدا گاڑی یے ءِ سر ءَ سپر کنگ ءَ بوتگ کہ پاکستانی پوج ءَ تیرگواری کرتگ ایشی آسر ءَ بازیں کچے ءَ جانی تاوان بوتگ۔
پانک ءَ گوشتگ کہ الی ء سلتان امیر، الی ء لوگبانک بیبل، میرجان ء الی، بالاچ ء سبزو، بالاچ ءِ لوگبانک سومری ء بھنگان، سادو ء بالاچ، اللہ بکش ء بالاچ، ھاپو ء بالاچ، ماہ رنگ ء بالاچ، رھمان ء بالاچ، رھمان ءِ لوگبانک نائکو ء جمالان ءُ شاری بیران بوتگ اَنت۔
آئی ءَ گوشتگ کہ اے ویل ءَ بالاچ ءِ لوگبانک زر بی بی، ھزار ھان ء بالاچ ءُ اسرار بالاچ ٹپی بوتگ اَنت۔
پانک ءِ گوشگ اِنت کہ ٹپی بوتگیں مردمانی جاور ناگیگ اَنت، لھتیں مردم اے وھد ءَ پوج ءِ کِر ءَ بندیگ اِنت۔
بنشون: درشان اکس: پانک
