کیچ ءِ ھند تربت ءَ پاکستانی پوج ءَ چہ راہ ءَ دو ورنا آوار جتگ ءُ بیگواہ کرتگ۔
زرمبش جھگیر ءِ رد ءَ زور بیگواھیں ورنایانی نام پدا بلوچ ء تاج مھمد ءُ جھانزیب بلوچ ء سابر الی اِنت کہ دوئیں ورنایانی امر ھژدہ سال اِنت۔ پدا بلوچ پیدارک ءِ میتگ جمک ءِ جاہ منند اِنت ءُ جھانزیب بلوچ دشت نگور ءِ جاہ منند اِنت۔
دوئیں ورنا 3 اپریل 2026 ءَ پیدارک، جمک ءَ سورے ءَ شتگ اَنت ءُ واتری ءَ پاکستانی پوج ءَ آوار جتگ ءُ بیگواہ کرتگ اَنت۔
آیانی زوریں بیگواھی ءِ گپ کھولاں راست کرتگ ءُ گوشتگ کہ چہ سرکار ءِ نیمگ ءَ مارا آیانی بابت ءَ ھچ وڑیں سرپدی دیگ ءَ نہ اَنت کہ آ چون ءُ کج ءَ اَنت۔
کھولاں چہ سرکار ءَ پہ آیانی آجوئی ءَ لوٹ کرتگ۔
بنشون: اھوالکار اکس: اھوالکار
