بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ مھمد اسمائیل کبدانی ءِ کوش ایر جتگ ءُ گوشتگ کہ مھمد اسمائیل کبدانی ء لشکری ھان کبدانی ھاران ءِ جاہ منند اِنت۔ 9 مارچ 2026 ءَ رمزان ءِ پاکیں ماہ ءَ تیر جنگ ءُ کشگ بوتگ۔
پانک ءِ گوشگ اِنت ھندی مردمانی رد ءَ ریاستی پلہ مرزیں کشندہ ٹولی ءِ کارمنداں ھشت ءُ پانزدہ ءَ ھما وھد ءَ تیرگواری کرتگ ءُ مھمد اسمائیل کشتگ کہ آ درزی ءِ دکان ءَ کار ءَ بوتگ۔
آئی ءَ گوشتگ کہ مھمد اسمائیل چہ ایشی ءَ پیش جون 2025 ءَ زور بیگواہ کنگ بوتگ۔ بازیں ماہ ءِ زوریں بیگواھی ءَ پد جنوری 2026 ءَ یل کنگ بوتگ۔ یل بوگ ءَ پد آ چو لس مردمانی وڑ ءَ زند گوازینک ءِ جھد ءَ بوتگ کہ بلے روچ ء رھمان ءَ نشانگ کنگ ءُ کشگ بوتگ۔
آئی ءَ گوشتگ کہ پانک اے زوراکی ءَ بلوچستان ءَ برجاھیں زور بیگواھی ءُ درکانودی کوشانی درچ لیک ایت۔
بنشون: درشان اکس: پانک
