بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ گوستگیں ماہ ءِ کاروائیانی رپورٹ شنگ کرتگ ءُ گوشتگ کہ بی ایل ایپ ءِ سرمچاراں پروری 2026 ءَ زورگریں پاکستانی پوج، آئی جھلی ادارہ، وتگڑیں مالی شوربندی ءُ دیمپانی شوربندیانی سر ءَ ارش تیز کرتگ اَنت زورگپتیں بلوچستان ءِ شانزدہ جتائیں ھنداں کاروائیانی میان ءَ دژمن بازیں کچے ءَ جانی ءُ مالی تاوان داتگ۔ بی ایل ایپ ءِ سلاہ بندیں کاروائیانی میان ءَ 36 پوجی کارمند مرتگ ءُ 3 سکا ٹپی بوتگ۔
آئی ءَ گوشتگ کہ بی ایل ایپ ءِ چہ درساں مستریں کاروائی واشک شھر ءَ بوتگ، اود ءَ سرمچاراں گوں شوربندی ءَ سرجمیں شھر انگر کرتگ ءُ زورگریں انتزامیہ نادرس کرتگ۔ اے آپریشن ءِ میان ءَ سرمچاراں ڈپٹی کمشنر ءِ کارگس، ایس پی کارگس، نیشنل بینک ءَ ھوار درسیں سرکاری ءُ آدگہ شوربندی انگر کرتگ اَنت ءُ داں باز اداراں شھر ءِ مزنیں بازار ءُ انتزامیہ بنجاہ سرمچاراں سرجم ءَ داشتگ اَنت۔ واشک شھر ءِ انگر کنگ ءِ میان ءَ بی ایل ایپ ءِ کاروائیاں دژمن ءِ 13 پوجی کارمند مرتگ ءُ باز ٹپی بوتگ۔ سرمچاراں مرتگیں کارمندانی درسیں سلاہ زرتگ اَنت ءُ دو پوجی گاڑی مانداشتگ۔
جارکش ءَ گوشتگ کہ چیریں ھالے ءِ بنیاد ءَ کاروائی کرتگ ءُ بی ایل ایپ ءِ سرمچاراں گْوادر ءَ سوبمندیں کاروائی یے ءِ میان ءَ ایم آئی ءِ یک کارمندے کشتگ۔ اے کارمند بلوچ پسگانی زوریں بیگواھی ءُ زرمبشت ءِ بگیری ءَ دژمن ءِ چاریگی ءَ نیٹورکے ءِ مھکم کنگ ءَ تچک ءَ سرگرم بوتگ۔
آئی ءَ گوشتگ کہ بی ایل ایپ ءِ سرمچاراں مشکے، جاؤ، مند، آواران، بلیدہ، نال، ھاران، پسنی،بارکان ءُ دشت ءَ جتائیں ھنداں دژمن ءِ 11 چوکیانی سر ءَ ارش کرتگ۔ جاؤ ءَ دژمن ءِ مزنیں بنجل ءُ ایم آئی ءِ کارگس گوں مزنیں سلاھاں نشانگ کرتگ۔ ایشی آسر ءَ دژمن ءِ چیریں بھرگ ءِ نیٹ ورک ءَ سکا تاوان بوتگ۔
جارکش ءَ گوشتگ کہ بی ایل ایپ ءَ واشک، نال ءُ بارکان ءَ سے پولیس تانہ دستیگ کرتگ ءُ سرکاری سلاہ ءُ شورہ دستیگ کرتگ اَنت۔
آئی ءَ گوشتگ کہ بلوچستان ءِ مڈیانی درکانودی لٹ ءُ پل کنوکیں گاڑی نشانگ کرتگ اَنت ءُ یک گاڑی یے وڈ ءَ نشانگ کرتگ۔ چوش کہ بی ایل ایپ ءَ پیسر ءَ تچک ءَ گوشتگ کہ راجی مڈیانی لٹ ءُ پل ءِ موکل ءَ ھچ وڑ ءَ نہ دے ایں۔ ھمے وڑ ءَ زامران ءَ یک سوبمندیں کاروائی یے ءِ میان ءَ دژمن ءِ راشن یک مزنیں کچے ءَ سرمچاراں پل اِتگ اَنت۔ پروری ءَ بی ایل ایپ ءَ جتائیں کاروائیاں میڑانی میان ءَ واشک، بارکان ءُ نال ءَ دژمن ءِ 23 نوکیں سلاہ ءُ شورہ پل اتگ۔
جارکش ءَ گوشتگ کہ سرمچاراں سرجم ءَ ھمے ماہ ءَ بیست ءُ ھپت کارواھیاں یازدہ بر ءَ مزنیں سلاہ کارمرز کرتگ اَنت۔ چاگی ءُ جاؤ ءَ دو بمب تراک، ھاران ءَ دو گرنیڈ لانچر ارش ءُ ھزدار ءَ دستی بمب ارش، جاؤ ءِ شھدگ ءَ پوج ءِ دو کاروانانی سر ءَ سنگر گپتگ ءُ ارش کرتگ۔
آئی ءَ گوشتگ کہ گوں دژمنیں پوج ءُ آدگہ لشکر ءَ جتائیں میڑاں بی ایل ایپ ءِ چار نہ ترسیں سرمچار جنگ دیان ءَ شھید بوتگ اَنت۔ آیانی تہ ءَ کپٹن ھاپز ابدلوھاب پنام بابر 6 دسمبر 2025 ءَ گل ءِ کارے ءَ سپر ءَ بوتگ کہ راہ ءَ گوں دژمن ءَ میڑ ءَ داں گڈی تیر ءَ جنگ دیان ءَ شھید بوتگ۔ 25 جنوری 2026 شھید کیپٹن پاروک پنام سھراب ء مھمد انور جاہ منند پروم، ادیل بلوچ پنام ھمید بلوچ ء مراد جان جاہ منند ایسائی ءُ اھمد بلوچ پنام دیدار ء مھمد جاہ منند چتکان، پَنجگُور ءِ ھند تسپ ءَ گوں زورگریں پوج ءَ میڑ ءَ جنگ دیان ءَ شھید بوتگ اَنت۔
میجر گھرام بلوچ ءَ گوشتگ کہ اے شھیداں پہ آجوئی ءَ زورگریں پوج ءِ بگیری ءَ وتی جانانی دیمونی داتگ ءُ دژمن ءَ پیش داشتگ کہ پوجی زور ءُ زوراکی بلوچ مھلوک ءِ جھد ءُ جوزگ ءَ نزور نہ کنت۔ بی ایل ایپ راجی شھیداں آیانی گرانبھائیں دیمونیانی سر ءَ ستک شانی ندر کنت ءُ آیانی کاروان ءَ داں منزل ءَ سر کنگ ءِ کول ءَ کنت۔
بنشون: رپورٹ. اکس: زرمبش
