کیچ ءِ ھند تجابان ءَ مرچی بیگاہ ءَ پاکستانی پوج ءَ پنچ جنین آوار جتگ ءُ وتی بنجل ءَ برتگ اَنت۔
زرمبش جھگیر ءِ رد ءَ چہ آوار جتگیں جنیناں دو جنین ءِ نام بی بی ھاُتک ءُ نور بی بی اِنت کہ پنچیں جنین تربت ءِ میتگ سنگ آباد ءِ جاہ منند اَنت۔ اے جنین مرچی سنگ آباد ءِ زرباری کوہ ءَ زیارتے ءَ شتگ اَنت ءُ بیگاہ ءَ واتری آھگ ءَ بیتگ اَنت کہ پاکستانی پوج ءَ آوار جتگ ءُ تجابان ءِ بنجل ءَ برتگ ءُ داشتگ اَنت۔
ھندی بنشون ءِ رد ءَ مرچی پاکستانی پوج ءَ سنگ آباد ءِ زرباری کوہ ءَ لشکرکشی کرتگ ءُ پہ کمک ءَ ھیلی کاپٹر ءُ ڈرون ءَ ھم تر ءُ گرد کرتگ۔
اے بابت ءَ مئے گیشیں جست ءُ پرس برجاہ اَنت۔
