بی وائی سی ءِ سروک سمی دین بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ زور بیگواھیں یونس بلوچ چار ماہ ءِ زوریں بیگواھیءَ پد آجو بیتگ ءُ گس ءَ سر بیتگ، بلے یونس ءِ گھار انگت ءَ زور بیگواہ اِنت۔ ماہ جبین چہ یونس ءِ زوریں بیگواھی ءَ سے روچ پد چہ شال ءِ درسرکاری نادراھجاہ ءِ وابجاہ ءَ آوار جنگ بیتگ، چہ آئی زوریں بیگواھی ءَ پد داں مرچی ھم آئی زندگی ءُ سلامتی ءِ بابت ءَ کھول ھال دیگ نہ بیتگ کہ آ چون ءُ کج ءَ اِنت۔
آئی ءَ گوشتگ کہ بلوچستان ءَز وریں بیگواھی ءِ کیس گیش بوگ ءَاِنت ءُ نوں داں جنیناں سر بیتگ۔ بلوچستان ءِ جاور ناگیگ اَنت بلکیں انسانی ھکانی بگیری اِنت ءُ اے نوں دودے جوڑ بیتگ۔
سمی دین ءَ گوں درسیں انسانی ھکانی ادارہ، گل ءُ کارکناں لوٹ کرتگ کہ آ پہ ماہ جبین بلوچ ءِ آجوئیءَ توار چست بہ کن اَنت۔
