بلوچ لبریشن آرمی ( بی ایل اے ) ءِ جارکش جیھند بلوچ ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں کولواہ، زامران ءُ بلیدہ ءَ سے جتائیں ارشاں زورگریں پوج، آئی راشنی گاڑی ءُ دگہ یک کمکارے نشانگ کرتگ۔ زامران ءَ پہ پاکستانی پوج ءَ راشن برگ ءِ سر ءَ سرجم ءَ پابندی جن ایں۔
آئی ءَ گوشتگ کہ کولواہ ءِ ھند ڈنڈار ءَمئے سرمچاراں زورگریں پاکستانی پوجءِ پیادگیں کارمند ھما وھد ءَ گوں چیر کرتگیں شورھاں نشانگ کرتگ اَنت کہ زورگریں پوج ءِ نُھ کارمند یکجاہ مچ بیتگ۔ تراک ءِ آسر ءَ سے کارمند جاھی مرتگ ءُ آدگہ ٹپی بیتگ اَنت۔
جارکش ءَ گوشتگ کہ بلیدہ ءَ مئے سرمچاراں زورگریں پوجءِ جوڑ کرتگیں وتگڑیں کشندہ ٹولی ءِ کارمند دادین ء یلان آئی بندر ءَ ارش کرتگ ءُ کشتگ۔ اے کمکار زورگریں پوج ءِ چیر دست بیتگ ءُ پوجءِ پرمان ءِ رد ءَ سلاہ بندیں ٹولی ءِ ھمرائی ءَ ورنایانی نشانگ کنگ، گساں بیڑ برگ، زوریں بیگواھی ءُ زوراکیاں پوجءِ پہ کمکاری ءَ ھمراہ بیتگ۔
آئی ءَ گوشتگ کہ ھمے وڑ ءَ زامران ءِ ھند سابونی ءَ مئے سرمچاراں پہ زورگریں پاکستانی پوج ءَ راشن بروکیں یک گاڑی یے گوں تراکناکیں شورھاں نشانگ کرتگ ۔ ارش ءِ آسر ءَ گاڑی باز تاوان بیتگ۔ مئے سرمچاراں چہ انسانی تاوان ءَ رکگ ءَ گاڑی ءِ پشتی نیمگ نشانگ کرتگ۔
جارکش ءَ گوشتگ کہ ما ھمے دیستگ زامران ءِ بازیں لس گاڑی واھند پہ لب ءَ زورگریں پوجءِ راشن دیگ ءَ ھوار اَنت کہ اے تچک ءَ زورگریں پوجءِ کمکاری گوشگ بیت۔ بی ایل اے تچک کنت کہ زامران ءَ پہ پوجءَ راشن برگ ءُ آئی سامانی سر کنگ ءَ سر ءَ سرجم ءَ جنت۔
آئی ءَ گوشتگ کہ چہ ایشی پیش چہ تاوان ءَ رکگ ءَ وتی ارشانی ترندی کم کرتگ، بلے نوں مئے سرمچارانءَ زورگریں پوج ءِ کمکاری ءَ ھواریں گاڑیانی تچکءَ نشانگ کنگ ءِ موکل دیگ بیت۔
جیھند بلوچ ءَ گوشتگ کہ بی ایل اے تچک ءَ گوش ایت کہ زورگریں پوج ءِ کمکار یں مردم وتی جانی ءُ مالی تاوان ءِ زمہ وار وت بہ بنت۔
