دھلی: ھندوستان ءِ ماؤ نواز باگی جنگولاں سے شمبے ءِ روچ ءَ سلاہ بندیں جھد ءِ ھلاس کنگ ءِ جار جتگ ءُ گوں سرکار ءَگپ ترانءِ لوٹ پیش کرتگ۔
جھانی رسانکدر ءِ رد ءَ کمیونیسٹ پارٹی آپ انڈیا ( ماؤ نواز) ءِ جارکش ءَ گوشتگ کہ میان استمانی نزام ءُ راجی جاورانی مٹی، مزن وزیر، تھی کارانی وزیر ءُ پولیس سروگان ءِ یکشل ءَ لوٹ ءِ سوب ءَ ما سلاہ بندیں جھد ءِ دارگ ءِ پیسلہ کرتگ۔
آئی ءَ دیمتر ءَ گوشتگ کہ گوں سرکارءَ پہ گپ ءُ تران ءَ جاڑیگ ایں۔ چہ ماؤ نواز ءِ اے جار ءَ پد چہ سرکار ءِ نیمگ ءَ زوت ھچ وڑیں گامگیج زورگ نہ بیتگ۔
اے سلاہ بندیں جھد چہ شش دھکاں پیش ماؤ نواز زرمبشت سلاہ بندیں جھد ءِپارست ءَ بندات بیتگ۔ داں اے وھد ءَ 12 ھزار ءَ گیش باگی، پوجی ءُ شھری مرتگ اَنت۔
