ھیبرپکتوانکواہ: پاکستانی لشکر ءِ لشکر کشی ءِ وھد ءَ کارمنْدے مرتگ ءُ پاکستانی لشکر ءَ ھشت سلاہ بندیں مردم ءِ کشگ ءُ آیانی سلاہ ءُ سامانانی دستیگ کنگ ءِ ٹاپار جتگ۔ پاکستانی لشکر ءِ جارکش آئی ایس پی آر ءِ گوشگ اِنت کہ چیریں ھالے ءِ رد ءَ زْرباری وزیرستان ءِ ھند شنوارسک ءَ لشکرکشی کرتگ۔
آئی ءَ گوشتگ کہ لشکرکشی ءِ وھد ءَ گوں سلاہ بنداں میڑے ءِ بندات کہ تیرگواری ءِ آسر ءَ سلاہ بندیں گلے ءِ کماندار جان مھمد پنام چراگ گوں ھشت سلاہ بندیں مردم ءِ ھمراھی ءَ کشگ بیتگ ءُ آیانی سلاہ ءُ سامان دستیگ کرتگ اَنت۔
آئی ایس پی آر ءِ رد ءَ کشگ بیتگیں سلاہ بندیں مردم پاکستانی لشکر ءِ بگیری ءَ کاروائی ءَ شھریانی کشت ءُ کوش ءَ ھوار بیتگ اَنت۔ تیرگواری ءِ آسر ءَ پاکستانی لشکر ءِ سپاھیگے ھامد رسول بکش مرتگ کہ آ راولپنڈی ءِ جھمنند اِنت۔ دگہ دو سروگان کیپٹن ٹپی بیتگ اَنت۔
بنشون: آئی ایس پی آر | اکس: آئی ایس پی آر
