بلوچ لبریشن آرمی ( بی ایل اے ) ءِجارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں کیچ ءِ ھند تمپ ءَ زور گریں پاکستانی پوج ءِ پیادگیں کارمندانی سر ءَ ارش کرتگ ءُ آیان ءَ جانی تاوان داتگ۔
آئی ءَ گوشتگ کہ سرمچاراں زی نیمروچ ءِ دوازدہ ءَ تمپ ءِ ھند میر آباد ءَ سنگر گپتگ ءُ زورگریں پاکستانی پوج ءِ سر ءَ ھما وھد ءَ ارش کرتگ کہ دژمنیں لشکر ءِ ھشت کارمند یک کاروانے ءِ پھازداری کنگ ءَ پد وتی بنجل ءِ نیمگ ءَ روگ ءَ بیتگ اَنت۔ چہ سرمچارانی ارش ءَ دو کارمند جاھی مرتگ ءُ یکے سکا ٹپی بیتگ۔ آدگہ کارمنداں وتی سنگت یل داتگ ءُ جستگ اَنت۔
درشان ءِ گڈی ءَ جیھند بلوچ ءَ ارش ءِ زمہ واری من اِتگ۔
