ھیبرپکتونواہ ءَ سوات کور ءَ ھار کرتگ چہ ھپت جتائیں جاھاں جنین ءُ زھگاں ھوار ھپتاد ءُ پنچ مردم ھار ءَ برتگ ءُ چہ آیاں ھشت مردمانی لاش دزکپتگ اَنت۔
ھالانی رد ءَ چہ بیگواھیں مردماں پنجاہ ءُ پنچ مردم کشگ بیتگ اَنت دگہ بیست مردم انگت ءَ بیگواہ اِنت ءُ پہ آیانی پٹگ ءَ جھد برجاہ اِنت۔
چہ بائی پاس ءَ شانزدہ مردم ھار ءَ برتگ چہ آیاں ھپت مردم ءِ لاش دزکپتگ ءُ سے مردم کشگ بیتگ، دگہ شش مردم انگت ءَ بیگواہ اِنت۔ چہ بائی پاس ءَ سلامت ءَ کشگ بیتگیں مردمے ءِ گوشگ اِنت کہ مئے یکیں کھول ءِ نھ مردم ھار ءَ برتگ آیانی تہ ءَ جنین ءُ زھگ ھوار اَنت۔
بنشون ءِ رد ءَ ڈھیرئی ءَ 22 مردم ھار ءَ گٹ کرتگ کہ کمکاراں کش اتگ اَنت۔ ھالیگے ءَ ھپت مردم ھار ءَ گٹ کرتگ ءُ اود ءَ یک مردمے ءِ لاش دزکپتگ۔
