تالبان ءَ اوگانستان ءَ یک میڑے ءَ اُمیر ناروھی کہ جیش الئدل ءِ کماندار ءِ برات اِنت کُشگ بیتگ۔ بنشون ءِ رد ءَ 6 اگست ءَ "اُمیر ناروھی”گوں وتی لھتیں ھمراھاں ڈک ءَ تالبان ءِ گون ءَ گپ ءُ تران کنگ ءَ شُتگ کہ تالبان ءَ تیرگْواری کُرتگ ءِ کُشتگ۔
گْوشگ بیگ ءَ اِنت کہ چیزے ماہ ءَ پیش جیش الئدل ءِ پنچ باسک تالبان ءَ دزگیر کُرتگ ءُ اُمیر ھمے بابت ءَ گپ ءُ تران کنگ ءَ تالبان ءِ کِر ءَ روگ ءَ بیتگ۔
اُمیر ناروھی تالبان ءَ ھما وھد ءَ تیر گْواری کُرتگ ءُ کُشتگ وھدے آ تالبان ءِ بُنجل ءِ نزیک ءَ بیتگ،تیرگْواری ءَ جیش ءِ دگہ کارمندے ھم بیران بیتگ آئی ءِ پجار تاھر شاھوزھی پنام ابدلکریم اِنت۔
بنشون ءِ رد ءَ اے میڑ ءَ تالبان ءِ پنچ کارمند کُشگ بیتگ ءُ جیش ءِ دگہ کارمندے ٹپی بیتگ۔
بنشون:دمگی اھوالکار /اکس:دامگ
