مستونگ: چہ جتاھیں ھنداں زورگریں پاکستانی پوج ءَ سَے مردم آوار جتگ ءُ بیگواہ کرتگ۔
اھوالکار ءِ رد ءَ چہ مستونگ ءِ ھند کلی کاریز سور ءَ زورگریں پاکستانی پوج ءُ چیریں ادارھانی کارمنداں آسم پاروک ء ھاجی گلام پاروک دوشی ادار یک ءَ آئی گس ءَ بیڑ برتگ ءُ آوار جنگ ءَ پد بیگواہ کرتگ۔
آئی کھول ءَ چہ اکوام متھدہ، انسانی ھکانی ادارہ ءُ بلوچ راج ءَ لوٹ کرتگ کہ آ پہ آسم ءِ آجوئی ءَ توار چست بہ کن اَنت۔
ھمے وڑ ءَ چہ مستونگ کڈکوچگ ءَ زورگریں پاکستانی پوج ءَ دوشی مھمد وپا ء اشرپ شاھوانی چہ آئی گس ءَ آوار جتگ ءُ بیگواہ کرتگ۔
دومی نیمگ ءَ چہ مستونگ کلی کونگڑھ ءَ زورگریں پاکستانی پوج ءَ شپ ادار سَے ءَ ھلیل اھمد ءِ ھاجی مھمد ابراھیم ءِ گس ءَ بیڑ برتگ ءُ آوار جتگ ءُ بیگواہ کرتگ۔
ھلیل اھمد ءِ کھول ءِ گوشگ انت کہ آ گوستگیں چار ماہ اِنت کہ تبلیک ءَ بوتگ ءُ انوں گس ءَ آتکگ ءُ آ ٹی بی ءِ نادراھے کہ دوشی پاکستانی پوج ءَ آوار جتگ ءُ بیگواہ کرتگ۔
