تُربت: پیدارک ءَ کشندہ ٹولی ءِ کارمنداں کماشیں مردمے کارچ جتگ ءُ ٹپی کرتگ۔
بنشون ءِ رد ءَ 24 پروری ءِ سھب ءِ ادار پنچ ءَ کشنده ٹولی ءِ کارمند میران اَزیز ءَ پُلان ء نیک بھت نامیں کماشے ھما وھد ءَ که آئی ءَ چه کھن ءَ آپ گپتگ ءُ وتی ڈگارانی سر ءَ روگ ءَ بوتگ لٹ ءُ کٹ کرتگ ، کارچ جتگ ءُ ٹپی کرتگ۔ آ پہ الاج ءَ نادراھجاہ ءَ برگ بوتگ۔
ٹپی بوتگیں پُلان ءِ بابت ءَ انچوش گوشگ بوگ ءَ اِنت که آ پنچ روچ پیش ھم کشندہ ٹولی ءِ کارمنداں لٹ شاپ کرتگ ءُ یل داتگ۔ وھدیکه زی یک رندے پد ءَ کارچ جتگ ءُ ٹپی کرتگ۔
ٹپی بیتگیں کماش پُلان ءِ کھول چه ایشی ءَ پیش ھم ریاست ءِ جوڑ کرتگیں کشنده ٹولی ءِ زوراکیانی آماچ بیتگ. چوش که آئی ءِ نماسگ وکار ء منزور پاکستانی لشکر ءَ 2 جون 2020 آوار جتگ ءُ بیگواہ کرتگ کہ انگت ءَ بیگواہ اِنت۔
