بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بلوچستان ءِ دمگ چاگے، نوکنڈی ءَ سیندک ءُ ریکوڈک ءِ لٹ ءُ پلی شوربندی ءِ پہ دری مردماں برجاھیں مزنیں کمپاؤنڈ ءَ بی ایل ایپ ءِ سدو مری آپریشنل بٹالین ( سوب ) ءِ سرمچاراں داں انوں وتی سنگر مھکم داشتگ اَنت ءُ گوں دژمن ءَ جنگ انگت برجاہ اِنت۔
آئی ءَ گوشتگ کہ دوشی سرمچاراں گوں مھکمی ءَ دژمن پدکنز کرتگ۔ زورگریں پوج ءَ پہ وتی بے سوبی ءُ تاوانانی چیر دیگ ءَ دامگ بند کرتگ ءُ دروگیں ھال شنگ کنگ ءَ اِنت۔
