مستونگ ءِ ھند کردگاپ ءَ پاکستانی پوج ءَ لشکرکشی ءِ میان ءَ آوار جتگیں سے مردم کشتگ ءُ آیانی لاش نادراھجاہ ءَ سر کرتگ اَنت۔
اھوالکار ءِ رد ءَ کشگ بوتگیں مردمانی نام سپیر سمالانی، امان اللہ ءُ ارپان مھمد ھسنی اِنت کہ پاکستانی پوج ءَ 16 اپریل ءَ لشکرکشی ءِ میان ءَ چہ کردگاپ، لڈی دشت ءَ آوار جتگ ءُ کشتگ اَنت ءُ آیانی لاش نادراھجاہ ءَ سر کرتگ اَنت۔
آیانی کھولانی گوشگ اِنت کہ گوستگیں سے روچ بیت لاش نادراھجاہ ءَ سر کرتگ اَنت ءُ پوج مارا لاشاں دیگ ءَ نہ اِنت۔
بنشون: رسانکدر اکس: زرمبش
