کیچ: سیاسی کارکن وسیم سپر ءَ ماں رسانکدر ءَ وتی شنگ کرتگیں درشانےءَ گوشتگ کہ 8 دسمبر 2024 ءَ چہ تربت آسپر ءَ زور بیگواہ کنگ بیتگیں اپزل منزور دوشی بمب تراکے ءَ شھید کنگ بیتگ، چوش کہ اپزل منزور ءِ کھول ءَ تربت ءَ پریس کلبءَ پریس کانپریس ھم کرتگ اَت ءُ آئی آجوئی ءِ لوٹ کرتگ اَت۔
آئی ءَ گوشتگ کہ 9 جنوری 2025 ءَ شھید پدا اھمد چاراہ ءَ پدا ولی داد ءُ کیچ ءِ آدگہ بیگواھیں مردمانی کھول گوستگیں چار روچ ءَ زھرشانی ءَ نشتگ اَنت۔ 10 جنوری 2025 ءَتربت شھید پدا اھمد چاراہ ءَ زھرشانی نندانک ءَ پریس کانپریس کرتگ ءُ کیچ ءِزور بیگواھیں مردمانی دیم ءَ آرگ ءِ لوٹ کرتگ۔
وسیم سپر ءَ گوشتگ کہ 12 جنوری 2025 ءَ چہ کیچ ءَ زور بیگواہ کنگ بیتگیں مردمانی کھولاں روانکے کش اتگ اَت ءُدوشی دمگی انتزامیہ ایڈیشنل کیچ ڈی ایس پی پولیس لال جان ، ایس ایچ او روشن الی ءِ گون ءَ گپ ءُ تران ءَ پد داں پنچ روچ ءَنندانک ماٹو کنگ بیتگ اَت۔ چوش کہ اد ءَ ریاست ءُ ریاست ءِ زوراکاں لوچستان ءَجنگل ءِ کانود جوڑ کرتگ ءُ مردماں درکانودی زور بیگواہ کنگءُ گیشتر دروگیں میڑاں یا دروگیں بمب تراکاں شھید کنگ ءَ اَنت۔ اپزل منزور ءِ درکانودی کوش بلوچستان ءَ برجاھیں چکچینی ءِ درچ اِنت۔
