کیچ: کولواہ ءَ پجار نہ بوتگیں سلاہ بندیں مردماں زورگریں پاکستانی لشکر ءِ راشن ءُ سامان برتگ اَنت۔
اھوالکار ءِ رد ءَ دوشی سلاہ بندیں مردماں پاکستانی لشکر ءِ راشن ءُ سامان ھما وھد ءَ برتگ اَنت کہ چہ ھوشاپ ءِ بنجل ءَ ھندی گاڑیانی سر ءَ سسگ، بلور ءِ بنجل ءَ برگ ءَ بوتگ اَنت۔ سلاہ بندیں مردماں مراستان، کولواہ ءَ زورگریں لشکر ءِ راشن ءُ سامان چہ گاڑی ءَ ایر کرتگ اَنت۔
یات بہ بہ اِت کہ زورگریں پاکستانی لشکر پہ وتی بنجلانی راشن ءُ ساماناں ھندی گاڑیاں کارمرز کنگ ءَ اِنت۔ چہ ایشی ءَ پیش ھم باز رند ءَ پاکستانی لشکر ءِ سامان برگ بوتگ اَنت۔
کولواہ ءَ21 پروری ءِ روچ ءِ دو ءَ پہ زورگریں پاکستانی لشکر ءَ راش بروکیں گاڑیانی سر ءَ اُرش ءُ راشن ءِ دستیگ کنگ ءُ ھمے میان ءَ دژمن ءِ ویلنس ڈرون کیمرہ ءِ تباہ کنگ ءِ زمہ واری بی ایل ایپ ءَ منّ اتگ۔ بلے اے اُرش ءِ زمہ واری انگت ءَ ھچ گل ءَ نہ زرتگ۔
