لندن ءِ بنجاھی شھر 10 ڈاوئنگ سٹریٹ ءَ برتانیہ مزن وزیر ءِ گس ءِ دیم ءَ زور بیگواھیں تاج مھمد سرپرہ ءِ کھول ءِ نیمگ ءَ زھرشانی نندانک ءَ سے روچ اِنت کہ برجاہ اِنت۔
نندانک ءَ زور بیگواھیں تاج مھمد سرپرہ ءِ لوگبانک سالھہ مری ءُ آئی جنک ملائکہ تاج، بی این ایم، ایپ بی ایم ءُ پی آر پی ءِ باسکاں ھوار کمشیر ءِ راج دوستیں سروک اپزل تاھر ءُ پشتون سروک ڈاکٹر سید آلم ھم ساڑی بوتگ اَنت۔
زھرشانی کنوکیں مرماں پاکستانی لشکر ءِ زوراکیانی بگیری ءَ اوگام جتگ ءُ تاج مھمد سرپرہ ءَ ھوار درسیں زور بیگواھیں مردمانی آجوئی ءَ لوٹ کرتگ۔
آیاں گوں جھان ءِ مردمی ھکانی ادارھاں لوٹ کرتگ کہ بلوچستان ءَ پاکستانی لشکر ءِ زوریں بیگواھی ءُ دروگیں میڑاں زور بیگواھیں مردمانی ناھکیں کوش ءِ بگیری ءَ توار چست بہ کن اَنت۔
یات بہ بہ اِت کہ تاج مھمد سرپرہ ءِ کھول ءِ نیمگ ءَ پنچ روچی زھرشانی نندانک ءِ جار جنگ بوتگ اَت زھرشانی نندانک ءَ مرچی سے روچ سرجم بوتگ۔
