بلوچستان لبریشن پرنٹ ءِ جارکش میجر گھرام ءَ وتی شنگ کُرتگیں درشانی ءَ جاھو ارش ءِ زمہ واری منّ اِتگ ءُ گْوشتگ کہ ھشت دسمبر ءِ بیگاہ ءِ شش ءَ بی ایل ایپ ءِ اسنائپر ٹیکٹکل ٹیم (ایس ٹی ٹی) ءَ آواران ءِ ھند جاھو ءِ میتگ کوھڑو ءَ برجاھیں زورگریں پاکستانی لشکر ءِبنجل ءَ ڈن اوشتاتگیں کارمند گوں اسناپئر توپک ءَ نشانگ کُرتگ ءُ کُشتگ۔
آئی ءَ گْوشتگ کہ بی ایل ایپ ءِ اسنائپر ٹیکٹکل ٹیم (ایس ٹی ٹی) جنگولانی سوھو ءُ جنگولیں ٹولی یے۔اے ٹولی بلوچستان ءِ تہ ءَ زورگریں پاکستانی لشکر ءُ آئی ءِ پانگس ءُ بنجلاں نشانگ کنگ ءِ توان ءَ دار ایت۔سرمچار گوں سوھوی ءَ دژمن ءَ نشانگ کن اَنت۔ اسنائپر ٹیکٹکل ٹولی ءِ مول ءُ مُراد دژمن ءِ نشانگ کنگ ءُ دُژمن ءِ لوٹ ءُ واھگ بے سوب کنگی اَنت۔ اے ٹولی ءِ چیرجنگی رپکانی بنیاد ءَ دژمن ءِ سر ءَ گوں تیزی ءَ کار کنگ ءُ نوکیں سلاھانی وتی کِرد پیلو کنگ اِنت۔اے ٹولی ءَ وتی کارانی تہ ءَ سوبین بوتگ ءُ اے بی ایل ایپ ءِ جنگی رپکانی یک ٹوھیں بھرے۔
جارکش ءَ گْوشتگ کہ چہ سرمچارانی مدامی ئیں اُرشاں دژمن ءَ پروش وارتگ ءُ پمشکا وتی جانی ءُ جانی ءُ مالی تاوانانی چیر دیگ ءِ جُھد ءَ کنگ ءَ اِنت۔
میجر گھرام ءَ گْوشتگ کہ بی ایل ایپ دژمنیں کارمند ءِ کوش ءِ زمہ واری ءَ منّ ایت ءُ داں بلوچستان ءِ آجوئی ءَ پاکستانی لشکر ءِ سر ءَ اُرش برجاہ بنت۔
