بلوچستان آجوئی سنگر ( بی ایل ایپ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں زی بیگاہ ءِ چار ءَ کیچ ءِ ھند مند ،چُکاپ ءَ لشکر ءِ بنجاھی بنجل ءِ پھازداری پانگس ءِ سر ءَ اُرش کُرتگ ءُ یک کارمندے کُشتگ ءُ یکے ٹپی کُرتگ۔
آئی گوشتگ کہ سرمچاراں پیسر ءَ یک کارمندے گوں سنائپر توپک ءَ نشانگ کُرتگ ءُ کُشتگ،پد ءَ گوں وتکار ءُ ٹوھیں سلاھاں پانگس نشانگ کُرتگ کہ چہ ایشی ءَ دو کارمند ٹپی ءُ پانگس ءَ تاوان بیتگ۔
بی ایل ایپ ءِ جارکش میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچستان آجوئی ءَ زورگریں لشکر ءِ سر ءَ اُرشانی دْرچ برجاہ بیت۔
