بلوچستان آجوئی سنگر (بی ایل ایپ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں دہ نومبر ءِ شپ ءِ ھشت ءَ نوشکے ءِ ھند زرین جنگل ءَ برجاھیں دژمنیں پاکستانی لشکر ءِ پانگس ءِ سر ءَ اُرش کرتگ۔ اُرش ءَ دژمن ءِ دو کارمند مرتگ ءُ چار ٹپی بوتگ اَنت۔
آئی گوشتگ کہ اُرش داں بیست دمان ءَ گوں ترندی ءَ برجاہ بوتگ۔ اُرش ءَ نوکیں سلاہ کارمرز کنگ بوتگ اَنت
آئی گوشتگ کہ سرمچارانی یکشلیں اُرشاں دژمن سسائی پروش ءِ آماچ کرتگ کہ چہ ھمے سوب ءَ آ وتی جانی ءُ مالی تاوان ءِ چیر دیگ ءِ بے سوبیں جھد کنگ ءَ اِنت۔
جارکش ءَ اُرش ءِ زمہ واری ءَ منّ اِتگ ءُ گوشتگ کہ داں سرڈگار ءِ آجوئی ءَ دژمن ءِ سر ءَ سرمچارانی اُرش گوں ترندی ءَ برجاہ بنت۔
