آواران: چہ کولواہ ءِ میتگ گیشکور ءَ پاکستانی پوج ءَ دو ورنا آوار جنگ ءَ پد بیگواہ کرتگ۔
بنشون ءِ رد ءَ ابدُلباکی ء امام بکش ءُ گنج بکش ء میرک 7 جنوری 2026 ءَ چہ گیشکور ءِ بازار ءَ مردمانی دیم ءَ آوار جنگ ءُ بیگواہ کنگ بوتگ۔
کھولانی گوشگ اِنت کہ دہ روچ ءِ گوزگ ءَ ابید مارا آیانی بابت ءَ ھچ سرپدی دیگ ءَ نہ اَنت۔ چہ آیانی بیگواھی ءَ مئے سرجمیں کھول سکا جنجال اِنت۔
آیاں گوں سرکار ءُ ریاستی ادارھاں لوٹ کرتگ کہ اگاں مئے زھگ میاربار اَنت گڑا آمیدگس ءَ پیش کنگ بہ بنت، بے میار اَنت گڑا زوت یل کنگ بہ بنت۔
