پنجگور / کولواہ: زورگریں پاکستانی لشکر ءُ کشندہ ٹولی ءِ کارمندانی لشکرکشی برجاہ اِنت۔
اھوالکار ءِ رد ءَ پنجگور ءِ ھند پروم ءَ زورگریں پاکستانی لشکر ءُ ھندی کشندہ ٹولی کارمند بازیں کچے ءَ دوشی کوھاں پترتگ ءُ ھوکانی کنڈگ ءُ کِر ءُ کشاں لشکرکشی کنگ ءَ اِنت۔
ھمے وڑ ءَ کیچ ءِ ھند کولواہ ءِ زربار ءَ زورگریں پاکستانی لشکر ءِ نیمگ ءَ لشکرکشی برجاہ اِنت۔
بنشون ءِ رد ءَ پاکستانی لشکر ءَ سھبی مھلہ بازیں کچے ءَ کولواہ ءِ میتگ مراستان، سگک ءُ بلور ءَ بیڑ برتگ ءُ گس پٹ ءُ پول کرتگ اَنت۔ انگت ءَ دگہ آوار جنی ءِ ھال نیست اے باروا مئے گیشیں جست ءُ پرس برجاہ اِنت۔
