بلوچ سروک ابدالنبی بنگلزھی ءَ ماں چاگردی رسانکدر ایکس ءَ وتی درشانے ءَ مستونگ وانگجاہ ءِ تراک گوں ترندیں دانکاں ایر جتگ ءُ گوشتگ کہ مستونگ ءَ وانگجاہ ءِ زھگانی گوں تراک ءَ نشانگ کنگ سکا ناشریں کارے ایشی چنچو ایر بہ جن ئِے کم اِنت۔
آئی ءَ گوشتگ کہ پاکستان ریاست چہ بلوچ راجی جھد ءَ ترس آماچ اِنت ءُ سکا رستری کنگ ءَ اِنت۔ اے شیتانی کارانی مول ھمیش اِنت کہ بلوچ راج ءُ آجوئی لوٹوکیں جھدکارانی میان ءَ بے بیسھی ودی بہ کنت۔
